MANNY PACQUIAO VS EMANUEL MARQUEZ WANAKUTANA TENA KWA MARA YA 4

MCHEZO WA MASUMBWI, TAA INAYOZIZIMA – SEHEMU YA KUMI NA TISA

■UNAPENDWA NA KUOGOPWA NA WATU WENGI DUNIANI

■UKO HATARINI KUPOTEZA ASILI YAKE KABISA

Na Onesmo Ngowi

Masumbwi au kwa majina mwengine ndondi au ngumi na kwa majina ya mitaani ndogwa, mawe n.k. ni mchezo unapoendwa sana na watu wengi. Aidha mchezo huu ni kati ya michezo inayoogopwa sana duniani. Mchezo wa ngumi uko hatarini kupoteza maana yake ya asili yaani kucheza kama burudani, kuwakilisha nchi na kujenga ushupavu wa mchezaji. Mamilioni ya watu wanaojazana kuutazama wasingependa kabisa kujiingiza kuucheza mchezo wa ngumi. Sasa endelea………………………………….!

Ari ya kucheza gumi ya Duran na kiu chake cha kupata fedha nyingi zilimfanya apande uzito kwenda Welter. Miaka ya sabini ilimshuhudia Roberto akipata ushindi wa uhakika kwa kuwanyuka vilivyo mabondia kama Carlos Palomino ambaye alikuwa bingwa wa zamani wa dunia wa welterweight aliyetambuliwa na WBC) na Zeferino“Speedy” Gonzales. Ikumbukwe kwamba mabondia hawa wawili walikuwa kati ya kundi lililokuwa tishio kwenye uzito wa Welter!

Kuingia kwa Duran kwenye uzito huu hasa ikikumbukwa kuwa alikuwa anamfuata mbabe mwenzake Sugar Ray Leonard ambaye tayari alishajijengea sifa kibao kwenye daraja hilo kulitafsiriwa kuwa ni kiama kwa mabondia wengine. Wachezeshaji kamati wengi (Betting Houses) walingojea kwa hamu habari za kutangazwa kwa mpambano utakaowakutanisha miamba hiyo miwili!

Ilifiki siku ya siku ambayo kila mpenzi wa masumbwi duniani alikuwa anaingojea kwa hamu. Tarehe na mahali pa mpambano wa mwaka ilipangwa nayo ilikuwa si pengine ila Uwanja wa Olimpiki jijini Montreal mahali ambapo Sugar Ray Leonard alijipatia medali ya dhababu ya Olimpiki mwaka 1976.

Mpambano huu kama walivyoelezea wanazuoni wa maaswala ya ngumi uliwakutanisha mbabe wa ngumi wa miaka ya sabini na bingwa wa miaka ya baadaye, miaka ya themanini pamoja nao alikuwepo pia bondia machachari toka Mexico Julio Cesar Chavez.

Sugar Ray Leonard ambaye ndiye aliyekuwa bingawa wa dunia wakati huo baada ya kumshushia kipigo kisichokuwa na wasiwasi mbabe toka Puerto Rico, Wilfred Benitez. Hakika Ray Leonard alikuwa ndiye kipenzi cha vyombo vingi ya habari na hakuna aliyeamini kama mbabe huyu angepoteza ubingwa wake kwa “mikono ya mawe” (Hands of Stone) toka Panama City!

Kupendwa kwake Ray Leonard na vyombo vya habari pamoja na wachezesha kamari (Betting Houses) zilimpa shinda Duran na alijiona kama anapamana na mataifa yote ya American ya Kaskazini ambayo ni Marekani na Kanada.

Mgao wa fedha za mpambano nazo zliichemsha harisa ya Duran na akajiona kwamba kumbe kweli kulikuwa hamna haki kwake. Ray Leonard alikuwa ndiye achukue zaidi ya robo tatu ya kitita cha mpambano ukilinganisha na cha Duran ambacho kilikuwa ni robo tu. Haya yote yalimchukiza sana Duran na aliapa kwamba angemuulia Ray Leonard ulingoni!

Hasira za Duran kwa Ray Leonard hazikuwa ndogo, kwani wakati wa mkutano wao na waandishi wa habari alimtukana na kumkebehi kama kweli alikuwa mwanamme. Alienda mbali hata kumtukana mkewe Juanita!

Haya yote yaliongeza msisimko wa mpambano na mashabki wengi wa ngumi walingojea kuuona moto utakaowashwa kwa mikono ya miamba hiyo miwili! Lengo la Duran kumshambuliwa Ray Leonard lilikuwa kumtibulia ili asiweze kufikiria vyema na baadaye kumtoa nishai ulingoni.

Mshikemshike wa Montreal “Brawl in Montreal” wa tarehe 20^th, Juni 1980 ndivyo mpambano huu ulivyopewa jina na vyombo vingi vya habari na ulingojewa na kila mtu anayependa ngumi.

Ilikuwa ni siku ya mvua nzito na japokuwa kulikuwa na baridi kwani kipindi cha baridi ndio kilikuwa kinaishia maelfu kwa maelfu ya wapenzi wa ngumi waliohudhuria bila manunguniko kwani walijikuta wakisisimka kutokana na mpambano huo mkali wa aina yake.

Kama kawaida yake Ray Leonard ambaye kwa maumbile ndiye aliyekuwa mkubwa alianza kwa kuutumia vilivyo ukumbwa wa ulingo kwa staili yake ya kurukaruka na kuchezacheza. Mashabiki waliufuatilia mwendo wake wa madaha kwa kelele za muue, muue huyo Mpanama Ray!

Naye Duran alikuwa anamfuata Ray Leonard kwa usongo wa kummaliza kama mtu aliyepagawa na akitaka kuugeuza mpambano wenyewe uwe vita ya msituni.

Hakika hii ndiyo iliyokuwa staili Duran aliyoizoea kwani mapambano yake mengi yalikuwa hayana tofauti na mapigano ya kwenye vita vya msituni. Kwake mpambano wowote ulikuwa ni vita kwelikweli!

Usongo wa kurusha makonde kwa kinyongo na ushambuliaji mkali wa Duran uliweza kumpatia raundi ya kwanza bila shida. Hii ilimpa nafasi ya kujipongeza na kujipa moyo kwamba kumbe kelele za Ray Leonard hazikuwa kitu chochote. Lakini kwa maelfu ya mashabiki waliojazana kwenye ukumbi huo wa Olimpiki mjini Montreal kwao raundi hiyo ilikuwa ni kama asusa tu ya mpambano huo wa mwaka!

Kwa usemi usemeo kwamba “siku njema huonekana asubuhi” ilidhihirisha na ushindi wa raundi ya mwanzo uliompa joto Duran akaingia raundi ya pili kama mnyama aliyetaka kukitafuna kitoweo chake sawasawa. Kwa uhakika raundi ya pili ilikuwa ni kipigo kikali kwa Ray Leonard kwani mwishioni mwa raundi Duran alimpambikizia Ray Leonard konde zito linaloiwa “right-left combo” likifuatliwa na ngumi aina ya hook ya mkono wa kushoto iliyoingia barabara usoni mwa Ray Leonard.

Uzito wa konde hilo la Duran kwenye uso wa Leonard ulileta wasiwasi kwenye kona yake na japokuwa Ray Leonard alitingisha kichwa na kuchezacheza lakini ukweli ni kwamba kila mtu alijua kuwa amepewa kibano cha uhakika. Watu wengi hususan mashabiki wa ngumi waliojazana kwenye ukumbi huo walianza kushuku kama kweli Ray Lenaord angeweza kumaliza mpambano huo!

Baada ya kupewa kibano kwenye raundi hiyo Ray Leonard aliamua kutumia sehemu ya ndani ya ulingo ambayo asingeweza kuangushwa kirahisi na makonde ya mbabe wa Panama City kwa kweli hiyo ilimpa nafasi ya kuuonyesha ulimwengu uwezo aliokuwa nao kwenye ngumi!

Baada ya raundi kumi na nne za kuadhibiana vikali watu wengi walioona wazi kuwa Duran angeshinda mpambano huo na kwa kweli hata yeye mwenyewe aliona uwezekano huo! Mikono ya mbabe huyo toka Panama City yalirindima kwa ushuhuda wa kusukuma makonde ya mfululizo yaliyokuwa yanaingia barabara kwenye uso wa Ray Leonard. Ilikuwa ni muda tu ulimwengu utambue kweli nami mbabe kati yao!

Mwanzoni mwa raundi ya kumi na tano na ya mwisho Duran alikataa kugusana glovu na Ray. Ni kawaida ya mabondai wanapofikia kucheza raundi ya mwisho kugusanisha glovu kuonyesha kuwa wao ni wanamichezo na sio maadui. Lakini kwa Roberto Carlos Duran hii kwake ilikuwa ni vita na mtu aliyesimama mbele yake Sugar Ray Leonard alikuwa adui namba moja! Alilazimishwa na refarii wa mpambano huo Carlos Padilla kugusanisha glovu!

Raundi hii ilimshuhudia Duran akimkebehi Ray Leonard kwa makonde ya mpapatiko (telling punches) na ulizi uliomnyina nafasi kabisa ya kufikisha ngumi zake kwa Duran. Ikumbukwe kwamba kwa sababu ya tofauti ya lugha Duran alishikwa sana na hasira kuwaona mashabiki wengi wakipiga kelele.

Duran alikuwa anazungumza kugha ya Kihispania wakati sehemu yenyewe Montreal alikopigania kunazungumzwa lugha za Kiingereza na Kifaransa. Kelele za mashabiki zilimzidishia hasira Duran kwani hakuelewa kama walikuwa wanamtukana au kumshangilia.

Inaendlea…..!

Mwandishi wa makala haya ni; Rais wa Kamisheni ya Ngumi za Kulipwa Tanzania (TPBC), Shirkisho la Ngumi za Kulipwa Afrika Mashariki na Kati (ECAPBF), Shirikisho la Ngumi la Kimataifa bara la Afrika, Masharilki ya Kati, Ghuba ya Uarabu na Uajemi (IBF/AFRICA) na Mkurugenzi wa Baraza la Ngumi la Jumuiya ya Madola (CBC) E-mail: ibfafrica@yahoo.com

RASHID MATUMLA NA PATRICK AMOT WA MKENYA KUZICHAPA KESHO MTWARA, WAPIMA UZITO LEO

 Bondia Rashid Matumla na Patrik Amot wa kenya wanategemea kupanda ulingoni kesho katika ukumbi wa makonde mkoani mtwara.

Mabondia wote wamepima na kuwa na afya njema na wote kuwa katika uzani sawa wa kilo 73 kila mmoja.zoezi zima la upimaji liloendeshwa na katibu mkuu wa TPBO Ibrahim Kamwe na Dkt. Madono lilienda vema.

 
Pia katika pambano hilo kutakuwa na mapambano ya utangulii kati ya Bakari Mohamed wa Mtwara na Abdallah Mohamed wa Dar es Salaam, katika pambano la ubingwa kg57.

Aidha kutakuwa na mapambano mengine mengi ya utangulizi kati ya mabondia kutoka Black Mamba ya Mtwara na mabondia kutoka jijini Dar es Salaam, kama Haruna Mnyalukolo, ambaye atacheza na Ashraf Abdallah, Issa Matumla (mtoto wa Rashid Matumla) atacheza na Hamis Mtupeni, Hamis Ali Mkupa wa Mtwara atacheza na Ide Mnali katika pambano la raundi nane.

Mabondia wakiendelea na zoezi la kupima uzito, leo.

HABIBU KINYOGOLI AENDELEA KUMKUMBUKA MWALIMU NYERERE KATIKA MICHEZO

MWALIMU Julius Kambarage Nyerere kipindi yuko madarakani, alipenda michezo kuanzia mashuleni hadi kwenye makampuni na mashirika mbalimbali hapa nchini, ingawa alikuwa akipenda mchezo wa bao.

Aliweka sera bora ya michezo na kufanikisha kuundwa kwa Baraza la Michezo la Taifa mwaka 1967 na kutoa fursa zaidi kwa wenye vipaji kuvionyesha.

Kwa mujibu wa bondia mahiri wa Ngumi hapa nchini, Habibu Ally Kinyogoli (64), Nyerere alifanikisha wachezaji wa Tanzania kuitangaza zaidi nchi yetu na kufanya vizuri kutokana na mazingira bora yaliyokuwako wakati huo.

Kinyogoli ni mwanachama wa Mabingwa wa Ligi Kuu Tanzania bara, Simba lakini hahudhurii michezo ya timu hiyo, mapenzi yake yanabaki kwenye ngumi.

Nyota yake ya michezo ilianzia shuleni, Manerumango Wilayani Kisarawe mkoani Pwani, mwaka 1958, alicheza soka, ngumi na riadha, aliendelea na mchezo wa ngumi kwa sababu ndio ulikuwa ndani ya damu yake, michezo mingine ilimshinda kwa sababu ya hasira za baadhi ya wachezaji pindi zinapotokea rafu.

Kinyongoli wakati alipokuwa akicheza, alikuwa pia akitoa mafunzo kwa wenzake, mwaka 1966, katika klabu ya Magomeni Centre yalipo makao Makuu ya Manispaa ya Kinondoni alimfunza Majuto Mahavu ambaye baadae alikuwa tishio kwenye timu ya Taifa.

Mwaka 1970 alijitosa rasmi kwenye ngumi baada ya kuvutiwa na Titus Simba aliyeiletea medali ya kwanza Tanzania ya Jumuiya ya Madola iliyofanyika Scotland, ndipo na yeye akaongeza ufanisi zaidi katika mchezo huo.

Mwaka 1971 aliajiriwa kiwanda cha Bora baada ya kuonesha umahiri katika mchezo huo, akafanikiwa kumfudinsha ngumi, Zakaria Yombayomba, mwaka 1973 aliasisi klabu ya ngumi ya Urafiki akawaibua akina Charles Mhilu ‘Spinks’, Habibu Mzungu, Lazaro Makarious, Kwelu Msinjili na wengineo.

Mwaka 1972 alishiriki mashindano ya Olimpiki, Munich Ujerumani walikwenda na akina Titus Simba, Robert Mwakosye, Bakari Suleimani ‘Match Maker’, Said Tambwe katika mashindano hayo, mwanariadha Clever Kamanga aliipa Tanzania medali ya shaba kwa mbio za umbali za mita 400.

Katika mashindano hayo, Kinyogoli alifanya vibaya baada ya kukatika kwa mshipa wa mkono wa kulia katika mazoezi nchini humo, mchezo wa kwanza wa Olimpiki alishinda kwa pointi nyingi dhidi ya Mcambodia, mchezo wa pili alipoteza pambano baada ya kujitonesha mkono wake na damu zikatoka nyingi.

Maumivu hayo hakuyaona hadi, Profesa Philemon Sarungi wakati huo alikuwa akisoma nchini humo, alijitolea kuisaidia timu hiyo.

Mwaka 1973 alishiriki All Africa Games jijini Lagos Nigeria akarejea na medali ya fedha na kuchaguliwa kwenye timu ya Afrika iliyoshiriki Inter-Continental  iliyofanyika Mexico , uteuzi huo pia uliwahusu pia akina Jacob Mussa, Bakari Suleimani, Titus Simba na Mbaraka Mkanga wakati katika soka Tanzania iliwakilishwa na akina Maulid Dilunga, Abdallah Kibadeni na Kitwana Manara.

Mwaka 1974 alisisi klabu ya Simba ambayo kipindi hicho ilikuwa ikiongozwa na Mwenyekiti, Abubakar Mwilima baada ya kuchana mkataba wa Bora, baada ya uongozi mpya wa kiwanda hicho kutokupenda michezo, akaondoka na wenzake wote aliokuwa nao kiwandani hapo kama Bakari Suleiman ‘Match Maker’, YombaYomba na wengineo.

1976 akiwa kwenye kambi ya maandalizi ya Olimpiki alitangaza kujiuzulu kuchezea timu ya Taifa, mwaka 1978 akaanzisha klabu za watoto wadogo ya Relwe na kuendelea na Simba, Simba wakachipukia akina Rashid Matumla, Iraq Hudu Mkumwena,Rajabu Mhamila 'Super D' Shabani Mhamila 'Star Boy, Remmy Ngabo, Joseph Marwa,mohamedi Chipota na wengineo.

Hivi sasa, Kinyogoli anafundisha klabu ya Amana ya Ilala akisaidiwa na Kocha wa kimataifa wa mchezo huo Rajabu Mhamila 'Super D' kocha Mohamedi Chipota, Kondo Nassoro na Sako Mtulya na akiendelea na Simba pia akiwa na changamoto nyingi ambazo ni uwezeshwaji wake kutoka kwa wadau mbalimbali kwa sababu ameutengeneza mchezo huo tangu alipokuwa akifanya kazi na alitumia gharama zake lakini sasa, kazi hafanyi. Ametoa wito kwa mashirika na watu binafsi waliokuwa na nia ya kumsaidia
kuendeleza mchezo wa masumbwi nchini kuja katika kambi ya Ilala Iliyopo
Amana CCM ambapo ana endesha darasa la vijana kujifunza na kujiendeleza kwa
mchezo uho au anaweza kuwasiliana moja kwa moja na habibu Kinyogoli kwa
simu namba 0655928298

BONDIA IBRAHIMU CLASS 'KING CLASS MAWE' APANIA KUWA BINGWA WA TAIFA

NI dhahiri kuwa vipaji vikiibuliwa tangu utotoni na kuendelezwa vyema vijana wanakuja kuwa wazuri ukubwani na kulitangaza vyema taifa nchi za nje.

Hali hiyo inadhihirika kwa kijana Ibrahim Class 'king Class Mawe' ambaye anafanya vizuri katika medani za ngumi  ambazo zinamsaidia kuinua kiwango chake.

Tangu aingie katika mchezo huo ameshiriki katika mashindano mengi na kufanya vizuri na kusababisha wadau mbalimbali wa masumbwi kumtabilia kufika mbali mbali ikiwa atazingatia mazoezi.

King Class anasema alishawishika kuingia katika mchezo huo kutokana na mapenzi aliyokuwa nayo tangu utotoni ambapo alikuwa na ndoto za kuwa mwanamasumbwi.

Anasema kuwa ndoto yake ilianza kutimia baada ya kaka yake naye anaeitwa Chaku Master kuwa mwanamasumbwi alikuwa akifanya vyema miaka kadhaa iliyopita.

Chaku nilikuwa nikiishin naye hivyo wakati anakwenda kufanya mazoezi nilimuomba kuongozana na hali iliyonifanya kuanza kucheza licha ya kuwa ni ndoto yangu ya siku nyingi, anasema King  Class.

Kocha wake wa kwanza kufundisha kucheza ngumi alikuwa ni mzee Babu Tule ambaye alimpa misingi ambayo inamfanya hadi kuwa bondia mzuri anaeshimu nidhamu na sheria za mchezo huo.

Mwaka mmoja baada ya kuwa na kocha huyo alimuamishia kwa kocha Mkongwa  Habibu Kinyogoli ambapo hapo alikutana na makocha wengi akiwemo kocha wa Kimataifa wa Mchezo wa Masumbwi nchini Rajabu Mhamila 'Super D'  ili kumpa mbinu zaidi za mchezo huo na kumjenga katika misingi thabiti ya kufikia ndoto za kifikia mafanikio.

Anasema mwaka 2006 baada ya kuwa chini ya kocha wa siku nyingi katika mchezo huo Kinyogoli kiwango chake kinakuwa kikiongezeka kila siku na kuwa tishio katika ngumi za amacha.

Class anasema tangu wakati huo amepambana mapambano mengi ambao alifanya vizuri na kumbukumbu yake inaonesha alifanikiwa kuwatwanga wapinzani kwa KO katika mapambano zaidi ya 10, ndicho kitu anachojivunia kwa sasa.

"Huwa najisikia faraja ninampompiga mtu kwa KO kwani inazidi  kunijengea heshima katika ngazi ya amacha ambayo ndiyo niliyopo kwa sasa ambayo nahisi sina mpinzani," anasema Class.

Anasema siri kubwa ya kufanikiwa kufanya vizuri katika mapambano yake ni kutokana na kuzingatia mazoezi, miiko, sheria na kanuni za mchezo huo ambazo kila siku huwa anaelekezwa na kocha wa Kinyogoli.

Chipkizi huyo katika masumbwi anasema kila bondia anaweza  kufanya vizuri ikiwa atajihidi kusimama imara kuzingatia yanayokatazwa katika mchezo huo.

"Moja ya vitu ambavyo avitakiwi ni uvutaji wa sigara na utumiaji wa dawa kulevya ikiwemo Bangi na dawa nyingine ambazo ufanya kuwa na uhamuzi usio sahihi," anasema Class.

Class anasema ikiwa bondia atatumia Sigara au akivuta bangi ufanisi wake unakuwa mdogo kutokana na kifua kuwa kizito na kushindwa kumaliza raundi za mchezo au anaweza kupigwa kwa KO.

Hivyo anawashauri mabondia ambao wanajihusisha utumiaji wa tumbaku kuhachana na tabia hiyo ili kufikia malengo waliojiwekea katika masumbwi.

Pia anasema unywaji wa pombe nayo ni sehemu inayonyong'onyesha viungo, ikiwa bondia atahitaji kufanya vizuri ni vyema akaepiuka utumiaji wa pombe.

Kingine anasema kuwa suala la uzinzi nalo ni tatizo kwa baadhi ya wanasumbwi na ndiyo sababu kubwa inayowafanya kushindwa kufanya vyema ulingoni na kuambulia kupigo kikali.

Hivyo anawaomba wanamasumbwi chipukizi na wakongwe kujiepusha na hanasa hizo ambayo zinarudisha nyuma harakati za maendeleo ya mchezo huo nchini.

Kijana huyo aliyemaliza  taehe 10/10/1990 na kupata elimu yake ya msingi katika Shule ya  msingi Mafinga mwaka 2000, mkoani Iringa anasema  licha ya kujihusisha na masumbwi pia ni fundi wa vifaa vya umeme ikiwemo pasi, TV, Friji,specer na vifaa vyote vinavyotumia umeme.

Anasema ili kuundeleza mchezo  ni bora vifaa vikatolewa kwenye klabu mbalimbali zinazoinua mchezo huu kwa vijana wadogo ambao mara wamekuwa wakitatizwa na nyenzo za kufanyia mazoezi.

King Class Mawe kwa sasa aliemia katika ngumi za kulipwa na kufanya vizuri katika mapambano yake ya awali ikiwemo kumtwaga bondia Sako Mwaisege kwa K,O ya raundi ya tatu na kufanikiwa kumdunda bondia mkongwe wa mchezo huo Jonas Segu kwa point na kufanikiwa kuweka rekodi yake ya masumbwi kuwa nzuri

Bondia huyo kwa sasa yupo kambini kwa ajili ya mpambano wake na bondia kutoka Tanga Said Mundi utakaofanyika Desemba 9 katika ukumbi wa PTA Sabasaba jijini Dar es salaam

King Class Mawe kwa sasa yupo chini ya kocha wa kimataifa wa mchezo wa masumbwi Rajabu Mhamila 'Super D' kwa ajili ya kuakikisha kipaji chake kinakuwa na anapata michezo mbalimbali hapa nchini na matarajio yake ni kuwa bingwa wa Taifa na bingwa wa Dunia kupitia mchezo wa Masumbwi

--

Rajabu Mhamila 'Super D'

Photojournalist at Majira, Business Times

Email.superdboxingcoach@gmail.com

           mhamila1@gmail.com

www.burudan.blogspot.com

www.superdboxingcoach.blogspot.com

 Mob;+255787 406938 

        +255774406938, +255713406938

        Po.Box. 15493

Dar es Salaam Tanzania

shabani kilumbelumbe vs imanuel naidjala

bondia chipukizi mtanzania shabani kilumbelumbe tarehe 13-11-2012 anatarajiwa kupanda ulingoni jijini windhock- namibia kuzipiga na bondia immanuel naidjala -the prince- wa namibia katika pambano la raundi 12 kugombea ubingwa wa WBO-AFRICA .

Pambano hilo ni la uzito wa bantam-kgs 53.5 na litafanyika katika ukumbi wa windhock country club resort.

promota wa pambano hili ni NESTOR TOBIAS wa NESTOR SUNSHINE BOXING AYA NCHINI NAMIBIA.

TPBO tayari imeshapata barua ya mwaliko kutoka chama cha ngumi na mieleka cha namibia na mktaba wa bondia pia umeletwa kwa TPBOkupitia wakala wa pambano hili ndg julius odhiambo wa kenya .


tayari meneja wa bondia huyu kilumbelumbe mwalimu HATIBU ameshapewa taarifa kuhusu bondia wake kukabiliwa na pambano hili chini namibia.



TPBO INAMTAKA MENEJA WAAKE KUMUANDAA BONDIA WAKE VYEMA KWA AJILI YA PAMBANO HILO ILI AKAFANYE VYEMA.

TPBO IMECHOSHWA SANA NA MAJIGAMBO YA MABONDIA WA KITANZANIA AMBAO HUPATA MIALIKO YA KWENDA KUPAMBANA NJE YA TANZANIA

LAKINI KILA WAKIENDA HUKO HUDUNDWA NA WARUDIPO HUWAKIMBIA WAANDISHI WA HABARI ILI WASIHOJIWE JUU YA KUDUNDWA KWAO.

NAWATAKA MABONDIA WA KULIPWA WAACHE KUONGEA SANA NA BADALA YAKE WAJIANDAE VYEMA KWA MAPAMBANO YAO

BY -YASSIN ABDALLAH -USATAADH

RAIS-TPBO

MBABE WA RAJABU MAOJA KUTETEA MKANDA WAKE DECEMBA 1

Ndoshoko kulia akimsulubu mpinzanai wake

Bondia kutoka nchini Namibia Gottlieb Ndokosho ambaye alimsambaratisha Mtanzania Rajabu Maoja katika raundi ya kwanza ya mpambano wao wa kugombea mkanda wa IBF Afrika katika uzito wa unyoya, atapanda tena ulingoni jijini Windhoek, Namibia kutetea mkanda wake kati ya mabondia watatu ambao walipendekezwa na IBF.

Pambano hilo litakalofanyika katika jiji la Windhoek nchini Namibia utatoa upinzani mkali sana kati ya mabondia hao wanaochipukia vyema.

Kati ya majina matatu yaliyopendekezwa na IBF limo jina moja na Mtanzania Fredy Sayuni ambaye anaishi jijini Dar-Es-Salaam. Wengine ni Patric Okine kutoka Ghana na David Kiilu kutoka nchini Kenya.

Wakati huo huo IBF imetoa kibali kwa bondia Helene Joseph wa Nigeria kutoka barani Afrika kupigania ubingwa wake wa dunia. Mpambano huo utawakutanisha Helen Joseph kutoka nchi ya Nigeria akikutana na bondia Dahianna Santana kutoka Dominican Republic huko Latin America ambaye ndiye bingwa wa dunia wa IBF katika uzito wa unyoya (featherweight) kwa upande wa wanawake.

Helen Joseph

Mpambano huo utafanyika Decemba 1 katika jiji la San Domingo na litasimamiwa na Rais wa IBF kutoka bara la Afrika, Mashariki ya Kati, Ghuba za Uarabu na Uajemi, Mtanzania Onesmo Ngowi.

Picha ya (kulia) Bondia Santana kulia, akiwa ulingoni.

Bondia Helen Joseph ameshapigana mapambano 13 na amepoteza moja wakati mpinzani wake Dahianna Santana amepigana mara 37 na kupoteza mara 6.

*Uongozi*

*IBF Africa, Masharikim ya Kati, Ghuba za Uarabu na Uajemi*

*Dar-Es-Salaam*